大喜屋

营业中

休息中

每次同屋企人食放題必定選擇「大喜屋」最鐘意呢度環境寛敞坐得舒服😌食物選擇多。入座後用QR Code落單方便快捷！落單後就可以到外面自助區攞食，有大量冷盤、炸物、湯、甜品、冷熱飲品及糖果等…刺身拼盤刺身款式多我們點了三文魚、鮑片、螺肉、牡丹蝦同螺肉等。色澤樣樣都好新鮮肥美，特別是牡丹蝦肉質好爽甜。海膽手卷海膽好香好幼滑，－啖－口好滿足。蒜蓉粉絲蒸扇貝蒜味濃郁粉絲吸入醬汁好惹味，扇貝夠新鮮。燒羊架羊架咬落多汁，生熟度適中，簡單用黑椒調味已經好好味。鮑魚雞粥材料十足，粥底軟綿綿好鮮甜。牛油煮大蜆湯底好清甜，蜆肉粒粒帳卜卜啖啖肉。燕窩蛋白燉鮮奶呢個甜品係放題好小食到，蛋白又香又滑食完成個人暖笠笠，好滿足。