燒烤堂 (已搬遷) 新店位置

今日去咗銅鑼灣登龍街食串燒, 呢間串燒店開咗好多分店, 依家係銅鑼灣新開嘅就點咗幾樣小食同埋串燒香煎鹹蛋黃醬墨魚餅, 呢個真係超邪惡! 68蚊就值回票價, 係大份, 炸到金黃色, 咬落去嗰個蛋黃嘅鹹香, 同墨魚餅非常之夾, 墨魚餅又好彈牙。之後就食過蜜糖雞中翼, 雞中翼嘅表皮燒到好脆, 再配埋蜜糖醬, 非常滋味。最讚賞嘅就係蒜蓉燒廣島蠔, 兩隻只不過係42蚊, 蠔個體積非常之大, 燒到啱啱好, 咬落去嗰個鮮香保留住之餘, 蒜蓉汁提昇蠔嘅鮮。之後就係鹽燒原塊雞皮, 有別於一般雞皮串, 原來係非常之大塊嘅, 非常之脆, 咬落去真係脆卜卜, 口感一流。之後就係軟骨免治雞肉釀冬菇, 喺冬菇上面在釀咗免治雞肉同埋軟骨, 新鮮嘅冬菇再加咗q彈嘅軟滑口感 , 百感交集。汁燒魷魚鬚🦑魷魚鬚最緊要不韌，每一條鬚平均地沾滿醬汁，夠味且惹味。