燈籠滷味 (新都會廣場)

营业中

休息中

今日去逛逛葵芳新都會廣場間好大間嘅日資雜貨店，呢個商場連接葵芳港鐵站，落雨都唔使開遮，商店種類多食肆都多選擇，今日我哋揀咗台菜， 有我最喜歡嘅滷水，仲有朋友嘅麻辣豬耳。見到個燈籠飽飽二人餐真開心，唔使諗，有甜品有嘢飲，而且抵食。A. 招牌燈籠滷味配一款蔬菜，我哋揀咗冬粉， 滷味有牛肚、豬耳、豆腐、麻吉燒、白蘿蔔及黑木耳；冬粉有啲似粉絲，好爽口，掛滿滷水汁；空心菜即係通菜，嫰綠爽口；B. 人氣台式小吃揀咗麻辣香滷豬耳朵，豐富鈣質骨膠原，入口爽脆；C. 地道夜市小吃-紫菜鹽酥雞，新鮮熱辣辣炸起，脆卜卜做得唔錯；D. 餐後甜點-九份特色芋圓，煙煙靭靭唔會太甜；E. 台市特色飲料- 古早冬瓜茶及台味奶茶。