囍源古早蛋糕 (已結業)

第二次幫襯囍源😋即使古早味蛋糕越開越多，呢間都係我必食之一🥰每日蛋糕新鮮出爐，口味都唔一樣，要睇吓嗰日舖頭有咩口味。今次特別想試吓雙層古早味蛋糕，特登打電話去訂，第二日就有得食😋雙層估左味蛋糕特別滋味！有兩層口感，真係好正啊😍今次食咗 芋泥班蘭味、骯髒棒子朱古力、肉鬆鹹蛋黃特別喜歡芋泥，又幾鍾意食班蘭蛋糕，呢款就啱晒我🥰一次過滿足兩個願望班蘭味清香 淡淡地嘅班蘭味唔會蓋過芋泥餡👍🏻芋泥採用日本原材料，蒸熟後打磨成泥，味道鮮甜 有口感😍下次可以再encore!!!骯髒棒子朱古力🍫有驚喜啊！起初以為好飽滯，又驚好甜，但係反而有驚喜！朱古力蛋糕體十分鬆軟，質感濕潤🥰朱古力味都唔算太甜，甜到剛剛好，同棒子醬、朱古力醬味道非常夾我比較鍾意雪凍後食，朱古力味道更加突出上面鋪滿左澳洲脆片，賣相好靚😍肉鬆鹹蛋黃古早蛋糕🍰原味蛋糕蛋香味非常濃，配上鹹蛋黃肉鬆，簡直係Perfect match💖蛋糕口感軟熟鬆軟 入口濕潤唔會黏口 蛋糕體較挺身 冇凹陷情況出現鹹香味非常突出，而且冇乜油膩感聽日後仲可以做到拉絲效果！正啊🧀下次再試下其他口味先🥳