韓宮 (已結業)

韓宮，一聽個名就知道係食韓國野啦！座位都幾多，空間比較寬敞，座位之間唔會好貼，可以舒舒服服咁坐。餐廳同其他韓國餐廳一樣都會提供泡菜前菜。今次嘅午餐就有三款前菜，包括芽菜、白菜泡菜同甜薯仔，當中嘅甜薯仔係我嘅最愛！薯仔甜甜地，但又唔會有好漏嘅感覺，偏軟身。可惜，前菜冇得refill，如果唔係，我一定會瘋狂refill！另外，叫咗一個唔辣嘅牛肉紫菜卷，材料豐富，牛肉份量多，可惜略有少少鞋，而醃蘿蔔則爽口，幾有咬口。