好燒式串燒專門店 (大南街)

营业中

休息中

女朋友話朋友介紹呢間串燒，今日同佢出黎太子買野，一於黎呢度嘆下世界啦！串燒豆腐好少串燒店會有燒豆腐食，一場嚟到梗係揀啲特別嘢食啦。豆腐燒得外脆內軟，同埋用咗汁燒，所以唔會乾，而且仲好入味。墨西哥薄餅芝士雞肉又係點一個其他串燒店食唔到嘅食物，餡料豐富，重點係入面有好多芝士，芝士同雞肉真係Perfect match！安格斯牛肋串我係牛魔王，最鐘意食牛，呢串牛肋串燒得啱啱好，保留到肉汁之餘仲有好香嘅牛肉味。翠玉瓜食得咁多肉梗係要叫啲蔬菜食下，翠玉瓜好大份，燒完之後好爽甜好多汁，抵食！總結來講呢間串燒店嘅串燒好高質，基本上你是但叫一樣嘢食都唔會令你失望，魷魚鬚、菠蘿、韭菜、露筍全部都好好食😋