FRITES Belgium on Tap (濠豐大廈)

营业中

休息中

大年初一，Pizza Express vs Frites，決定去好耐無去過嘅 Frites。平日都唔爆，初一更加啦，所以好快坐低叫嘢食。侍應睇落唔識講廣東話，所以我地用英文 order。首先老公叫咗一個 gouda balls（炸芝士球）同德國腸配薯茸，我同侍應哥哥講我都係要呢個，佢問係咪 share ，我地話唔係，佢一份我一份，總共兩份，佢好似明，跟住去咗落單。過咗一陣佢拎兩隻碟嚟，我地話我地無嘢係 share，佢問我地係咪要一碟德國腸，我地再講係一人一份，總共兩份，佢先急急腳去廚房補單，唉。。。你可能諗緊，去出名比利時啤酒嘅餐廳點解唔叫啤酒呢？答案係：佢地嘅啤酒係街價兩三倍，講緊唔係十幾蚊賣三十幾，係街價三十幾貴兩三倍，我唔捨得飲。個 gouda balls 同兩碟德國腸一齊上枱我已經心知不妙，果然碟炸芝士球唔熱。碟德國腸配薯茸嘅水準同以前差唔多，我竟然食到最尾個圈！當我正為自己嘅食量驚訝嘅時候老公淡淡然咁話："碟嘢細碟咗.” 我再睇，係喎，以前 d 腸仔粗 d，薯茸多好多架喎，原來唔係食量大咗而係碟嘢縮咗水。本身已經唔係平，仲要縮埋水，呢次係我地最後一次去 lu。