名館 (希慎廣場) (已結業)

一行三人去銅鑼灣希慎廣場12樓「名館」開餐。「名館」係我哋經常去嘅中菜小館，最緊要地方夠寬敞，小菜都係百零蚊一個，喺銅鑼灣區實在難求，另外性價比十分高，無論去飲茶或晚飯都從來冇失望過。糖芯黑蒜海底椰豬展湯$68燉湯賣相好特別，以壺代盅，好似飲緊功夫茶咁，燉湯倒出來是熱騰騰，湯色清澈，入口是黑蒜轉化成的甜味，加上海底椰清潤，是淸甜而不燥的湯水，非常適合夏日。「金銀蒜銀魚蒸娃娃菜」$68以寵仔奉上娃娃菜出名甜香，加蒜蓉蒸過後更見細軟，再饡上豉油、熟油，令蒜香更突出。「豉油王頭抽飯焦大蝦」$118這個炒飯真的不得了，大拿拿以八隻大蝦蓋飯面；大蝦新鮮，入口鮮甜爽口；加入左炒焦令炒飯口感脆卜卜，十分乾身，頭抽上色度足，炒飯粒粒金黃，又香又惹味。依餐至貴嘅菜式只係 $138「冰鎮鮮菠蘿咕嚕肉」真係抵到你吾信，因為堅係成個鮮菠蘿奉上，仲要震撼到仙境一樣美，估唔到順便可以打個靚咭添 。「冰鎮咕嚕肉」和冰混放在鮮菠蘿內，以保持咕嚕肉的香脆，我要激讚下咕嚕肉入口真係脆卜卜，酸甜汁封著脆皮、豬肉完全去骨，脂肪位不多，我好少食咕嚕肉會吃到停唔到口，真心好味，超驚喜！晚飯時間都有點心食，梗係唔會錯過。點心拼盤$