50
朗豪坊新開嘅90分鐘一人一鍋日式放題火鍋好吸引😻有一般牛牛、特選牛牛、嚴選牛牛同黑毛和牛套餐共四款，最平$128已經食到。第一次食唔想揀最平嗰個餐，但又唔想揀最貴試，就揀左個中高價嘅嚴選牛牛套餐試下先。
2
基本湯底都有9款咁多，我哋揀左黑蒜豚骨湯底同胡椒和牛湯底，之後就去自助bar拎其他醬油同配料，自助吧有各式各樣嘅蔬菜麵食、甜品同飲品。
黑蒜豚骨湯底x胡椒和牛湯底
黑蒜豚骨湯底呈現乳白色澤，唔算好濃郁，但黑蒜就增添左一股獨特嘅香氣，同埋都唔會搶咗其他火鍋配料嘅味道。胡椒和牛湯底嘅胡椒味好出，味道濃郁，有啲辛辣，同火鍋配料幾夾。
個人覺得如果想食下靚牛牛放題，嚴選牛牛套餐已經好正，個套餐已經有牛舌，嚴選牛，穀飼牛，豬肩肉同雞腿肉任食，嚴選牛牛肉質軟嫩，較滑，口感已經豐富👍🏻當然想食埋海鮮就揀和牛套餐啦。
呢度甜品有藍莓雲呢拿雪糕同小糕點供應，仲有toppings 自己加添😋都好滿足㗎～
走嗰陣見到都有炸物小吃新鮮出爐，有章魚小丸子、雞軟骨、芝士薯波同煎餃子等等。大家有機會都試吓啦😋
1
