金雋江南菜館 (已結業)

係青衣返工，最鐘意同同事黎呢間食上海野叫餸share食四個人叫左四個餸，其實我地黎黎去去都係叫個幾味，所以一坐低已經唔洗諗。佢除左跟白飯仲可以加幾蚊轉菜飯嫁，仲送野飲，好抵食！回鍋肉：因為有少少菜，每次都會叫。其實幾好食，豬肉會有少少肥，同埋有少少豆腐乾做配菜。黑醋排骨：勁入味既排骨，好送飯。我地個個都好鐘意食，酸酸地甘。口水雞：個人之愛之選，夠入味同雞肉好滑。我係試過兩次太想食，食完午餐買埋半隻雞拎返屋企晚餐加料。哈哈紅燒豆腐：第一次嘗試，炸過既豆腐入面好滑，外皮好有口感。但得幾舊豆腐收50蚊又唔太抵。總結，除左上面果d推薦，佢仲有涼瓜牛肉都好好味嫁，絕得值得一試既平價午餐。