翠園 (新都城中心二期)

营业中

休息中

星期日，諗住同家中老人家出去食下飯。朝早打電話問有冇得訂唔答，叫我5:30walk in, 5:40去到話full 晒，咁我問下要等幾耐啦，又唔答。仲話佢叫我5:30黎，而家5:40分啦喎！擾樣完一輪，俾張4人檯我地5個人坐，呢樣冇問題。7:30前還檯都冇問題。坐低嗰刻開始我以為自己去左大排檔，服務同美心中菜既價錢完全唔成正比。聽到我唔要湯就黑面，點菜點完第一樣要咩，隔左10秒左右再講第二樣，個阿姐話：「等陣，講慢d，我寫唔切」唯一服務好嗰個係埋單時笑晒口既店長。總括黎講係我食過最差既美心中菜，令我忍唔住要寫comment!!! 食物方面比較鹹，但還算正常及可接受。大家要選擇呢間翠園既話就降低期望啦，唔可以同一般美心中菜比，可能比美心低檔次酒樓既服務更差。