散水餅

總結： 送錯貨， 不負責任， 態度差， 永不錄用

平時食飯都會嫌麻煩懶寫食評， 但今次真係嬲到唔寫唔得， 希望多啲人睇到佢哋做得唔好既一面！

訂散水餅， 訂左冬甩棒(3款口味，每款口味平均數量)， 跟店方兩次確認訂單， 結果送到黎變咗單一士多啤梨口味
一發現送錯即刻通知店方， 唯店方遲遲未回訊息， 多次打電話俾店方， 亦無人接聽， 求助無門。 亦見店方已讀不回， 結果事過6小時多後才敷衍交代一句， 根本已經無法解決問題， 再追問則完全無視本人訊息，已讀不回。

買散水餅係想大家開心， 可以影下相打卡， 結果變晒清一色， 揀都冇得揀口味， 仲要係冇咁common既士多啤梨味， 完全失望。 由於短時間內搵唔到取代品， 冬甩棒亦有食用限期， 亦聯絡不上店方， 結果被迫硬食貨不對辦。
店方見到message都隔勁耐先簡單回覆一句， 但本人搵另一電話號碼扮問價， 就半小時內已經有回覆， 有生意做就回應， 收完錢果D出左問題就無視， 逃避， 極為不負責任。