影片
更多
2020-10-23
183 浏览
自從睇完viuTV既節目之後，已經令我食指大動，好想食呢個水煮牛肉，幾經辛苦，終於約到同樣愛好食辣既朋友一齊前來挑戰。餐廳位於灣仔，其實就係喺灣仔同埋銅鑼灣既中間，都幾方便，放完工揸車過黎門口就有錶位。到達大廈既大堂，已經有餐廳既店員過黎迎賓，問佐我地既訂枱名，就可以搭lift上餐廳。上到餐廳，唔知點解，又問多我地一次留枱既名，呢度要扣分，樓下問完正常都以為會同樓上溝通，點知....又問一次。餐廳既裝潢走中國風，座位舒適，牆上有一個電視。打開餐牌，食物既款式好多，而且好多都有半份／ 一份既選擇，人多既話就可以試到多款種類。茶既款式都有多款揀，菊花都有。口水雞 （前菜） ＄108口水雞都有好多款可以揀，前菜既portion就細d﹐另外仲有半隻 （＄238）或者一隻 （＄428）可以揀，因為我地得2個人，而今日既主打又係想食水煮牛肉，所以最後試佐個前菜款。佢既用料絕對豐富，面頭有大量既花生碎同埋辣椒粒，汁底既辣椒油好香，食落帶有麻味，配白飯一流。水煮牛肉 ＄368今次既主打係水煮牛肉，但係太興奮既關係，落單既時候唔記得佐揀辣度，所以最後我都唔知俾佐咩辣度俾我，哈哈。個水煮牛係用一個超大既中
餐廳位於灣仔，其實就係喺灣仔同埋銅鑼灣既中間，都幾方便，放完工揸車過黎門口就有錶位。
到達大廈既大堂，已經有餐廳既店員過黎迎賓，問佐我地既訂枱名，就可以搭lift上餐廳。
上到餐廳，唔知點解，又問多我地一次留枱既名，呢度要扣分，樓下問完正常都以為會同樓上溝通，點知....又問一次。
餐廳既裝潢走中國風，座位舒適，牆上有一個電視。
打開餐牌，食物既款式好多，而且好多都有半份／ 一份既選擇，人多既話就可以試到多款種類。
茶既款式都有多款揀，菊花都有。
口水雞 （前菜） ＄108
口水雞都有好多款可以揀，前菜既portion就細d﹐另外仲有半隻 （＄238）或者一隻 （＄428）可以揀，因為我地得2個人，而今日既主打又係想食水煮牛肉，所以最後試佐個前菜款。
佢既用料絕對豐富，面頭有大量既花生碎同埋辣椒粒，汁底既辣椒油好香，食落帶有麻味，配白飯一流。
水煮牛肉 ＄368
今次既主打係水煮牛肉，但係太興奮既關係，落單既時候唔記得佐揀辣度，所以最後我都唔知俾佐咩辣度俾我，哈哈。
個水煮牛係用一個超大既中式大湯碗去present既，充滿中國色彩，而且個份量係超大超多。
裡面有芽菜，蓮藕，寬粉，萵苣，等等，所以基本上2個人食一個水煮牛已經超飽。
而佢既辣度亦都唔簡單，開頭食既時候會覺得唔算好辣，但係慢慢食下食下個嘴唇會好似好麻開始無感覺，原來佢既辣勁係要慢慢浸出黎既。
喺呢個時候，一碗白飯就絕對幫到手，可以減輕佐個辣度，而又保留到佢既香味。
食過咁多間水煮牛，呢間絕對係其中一間做得最出色既，一定會再帶朋友黎試。
张贴
