養心殿台式養生鍋 (已結業)

今晚黎到比較上高端嘅火鍋店打邊爐，同放題個感覺好唔一樣，裝修亦好華麗好舒服，雖然價錢相對上較高，但絕對值得一試，首先間鋪服務幾好，因為都幾多員工下，廢話唔多講😂😂叫左個湯底先，叫左寧神養心鍋$168，呢個鍋係我飲過最好飲嘅湯底，有成隻烏雞同魚去煲，個味極濃，真係好飲到一個點，唔洗食其他野已經覺得正爆，火鍋料就叫左涮鍋小羔羊肉片$108，好有羊肉味又夠羶，山水滑豆腐$38，真係好滑，鮮蝦滑$88，個蝦味食得出新鮮，稻庭烏龍麵$48，係靚烏冬好煙韌，白玉蘿蔔$48亦係靚蘿白冇渣，最後仲送芋圓湯丸食，好好味！❤️❤️