景逸軒 (已結業)

母親節唔知行咩衰運比我搵左間咁既垃圾酒樓，間野仲要係酒店入面，真係影衰埋間酒店，真係衰到冇人有，我6:55pm落單，我叫左4碟餸，間野都唔滿坐，係冇漏單既情況下，死吹佢先7:35pm先黎第一碟野，仲要係唔洗煮既醉乳鴿，8:00pm就黎多樣，之後死吹到8:45pm，我叫既係海鮮雜菜煲，但個經理竟然話雜菜煲就未有攞碟淮山浸白菜話都係菜黎🤦🏻‍♀️問我要唔要，未試過食飯食到咁火滾，嬲起上黎就叫埋單，唔想再等，間野一d都唔覺自己有問題，食法國餐慢得黎都叫有野食呀，佢慢得黎9唔搭8，我唔要碟白菜又去問第二枱人要唔要，廚房冇人手就咪接客，攪到我叫左白飯食左一半諗住等埋d餸先食，點知係死等都冇得食既，仲要攪到母親節唔開心，埋完單仲要去買宵夜食。中間仲要有人係到問擺婚宴既野，佢係同人企係我張枱前面講，企到個男人攞住d野都覺累，咁既酒樓點識做生意ga。係到攞既人真係要考慮下佢廚房同d服務質素嚇死人。