影片
更多
2021-06-21
1173 浏览
La Familie係我至愛嘅戚風蛋糕店，已經食過好多次，佢嘅蛋糕做到鬆軟濕潤，輕盈不膩，每次嚟都冇令我失望，所以趁住每月17號結婚紀念日，就買咗幾件10cm戚風蛋糕慶祝一下。因為收工先去，所以好多款式都已經售罄，連最想試嘅大甲香芋黑糖麻糬及期間限定嘅日本完熟蜜瓜都賣晒啦，so sad！好彩都有4款口味剩，難得去到一次過買晒：日本日向夏蜜柑($62)記得有年去宮崎時都有食過日向夏，佢嘅酸甜果香非常獨特，令人難忘，冇諗過La Familie竟然以日向夏入饌整戚風蛋糕，所以第一眼已經決定要試下！蛋糕體依舊鬆軟，配搭酸甜多汁嘅日向夏，配搭清新！法國玫瑰($56)戚風蛋糕造型精緻，粉紅色絕對能滿足少女心。蛋糕體帶有淡淡玫瑰幽香，面頭鋪上酸甜嘅lingonberries及士多啤梨，加埋奶香十足嘅北海道忌廉，味道即刻好有層次，係一件有賣相與味道兼備嘅蛋糕！焦糖完熟香蕉($56)蛋糕內有香蕉蓉，頂層鋪咗滿滿嘅焦糖忌廉，兩塊朱古力脆脆不但令賣相加分，亦香濃有口感！開頭都有擔心會太甜，但La Familie就係永遠將甜度控制得恰到好處，都唔錯！日本柚子($56)呢個口味之前食過，柚子味道清新，北海道忌
因為收工先去，所以好多款式都已經售罄，連最想試嘅大甲香芋黑糖麻糬及期間限定嘅日本完熟蜜瓜都賣晒啦，so sad！好彩都有4款口味剩，難得去到一次過買晒：
日本日向夏蜜柑($62)
記得有年去宮崎時都有食過日向夏，佢嘅酸甜果香非常獨特，令人難忘，冇諗過La Familie竟然以日向夏入饌整戚風蛋糕，所以第一眼已經決定要試下！蛋糕體依舊鬆軟，配搭酸甜多汁嘅日向夏，配搭清新！
法國玫瑰($56)
戚風蛋糕造型精緻，粉紅色絕對能滿足少女心。蛋糕體帶有淡淡玫瑰幽香，面頭鋪上酸甜嘅lingonberries及士多啤梨，加埋奶香十足嘅北海道忌廉，味道即刻好有層次，係一件有賣相與味道兼備嘅蛋糕！
焦糖完熟香蕉($56)
蛋糕內有香蕉蓉，頂層鋪咗滿滿嘅焦糖忌廉，兩塊朱古力脆脆不但令賣相加分，亦香濃有口感！開頭都有擔心會太甜，但La Familie就係永遠將甜度控制得恰到好處，都唔錯！
日本柚子($56)
呢個口味之前食過，柚子味道清新，北海道忌廉輕盈奶滑，每口都充滿柚子嘅天然果香，甘甜清新。
张贴
