8鍋臭臭鍋 (金巴利道) (已結業)

上星期六同K先生喺尖沙咀睇完戲，去咗8鍋臭臭鍋打邊爐。我叫左呢度既招牌臭臭鍋，而K先生就叫左新推出嘅臺式蔥爆鍋。呢度食火鍋係一人一鍋的，可以自己點自己想食嘅鍋。招牌臭臭鍋，入面材料好豐富，有臭豆腐、娃娃菜、冬菇、韮菜、枝竹、榨菜、蕃茄、沙白、貢丸等。我特別喜歡臭豆腐，好特別，好食，而其它配料亦都好豐富，食到好飽。另一個臺式蔥爆鍋，配料亦有娃娃菜、大腸、豬紅、粉絲、枝竹、牛肉、金菇、冬菇、魚蛋、雲耳等。呢個鍋有牛肉，啱曬K先生，份量都幾多。叫咗份炸花枝丸，很香脆彈牙。飲品我地叫左金吉檸檬梳打和巨峰提子梳打。一邊食火鍋一邊飲，真係涼到入心。