新齋橋 (已結業)

收工約咗朋友喺APM，行完街時間差不多，搵吓附近有咩好嘢食，發現呢間新開嘅一人一燒自助烤肉，見裝修各樣都幾靚仔，同埋價錢以晚市嚟講都真係幾抵食，就嚟trytry佢。餐廳內部環境都裝修得好好，好乾淨企理又夠光猛，枱與枱之間距離唔會好迫啱啱好。其實當初係俾佢個早餐餐牌吸引咗，聽個friend講話成日喺呢頭返工冇啖好食，但係見到個早餐餐牌$29起，就有叉燒烏冬或者出前一丁，真係啱晒一眾打工仔。但係今次夜晚嚟到，都係主要以一人一爐自助烤肉餐為主，兩個人分別叫咗個極上美國西冷套餐同埋一個極上牛小排+五花豚肉+雞腿肉套餐。極上美國西冷扒套餐 (150g) $148份量十足，大大塊西冷，套餐仲會配埋白飯沙律同麵豉湯，在附送埋汽水，喺觀塘區嚟講，仲要可以自己一人一個爐，自己燒價錢真係10分貼地。極上牛小排+五花豚肉+雞腿肉（各50g) $148如果唔知揀咩好花多眼亂，就一定要揀呢一個雞牛豬都齊嘅套餐，而家額外仲會送50 g牛舌，一個人食都真係有啲飽，除返開有4款肉比你，真係好抵食。醬汁方面，有幾款有鹽、香辣醬汁、原味醬汁、同埋蒜香醬汁。