花子舍 (已結業)

喺天后相約朋友食飯，從佢口中得知原來呢間花子舍係一間食西餐嘅，好受外國人歡迎，睇過menu，款式亦都好齊全下，一於試下啦。 點了小食蜜汁雞翼＄45，蜜糖雞翼除返每隻大約十一蚊，係一個唔錯嘅價錢。蜜糖味並唔重，但係雞肉鮮嫩多汁，那個質感十分好吃。 而小食方面我哋亦都點了炸魚薯條＄85， 呢間薯條都幾好食，外表炸得香脆金黃色的，十分吸引人食。我會慣常點上茄汁進食，不過講到尾最吸引都係嗰塊炸魚分量非常之巨大，兩個人食好抵。而且外皮炸得香脆，內裡的魚肉十分嫩滑，而且不太粉感，推介推介。 加拿大黑豬鞍架＄185，賣相唔錯，一切落去，發覺肉汁有好多， 食落去口感罕有地彈牙，而且肉質比較淋身，口感超正的說！調味方面就比較淡， 突顯出原本豬肉嘅越有風味，保留得很好。 雜果賓治＄52 不能跟餐，所以要散叫。果味非常重，同時唔會太甜，算係唔錯嘅雜果賓治，同埋好大杯特飲。