井上日本料理 (已結業)

二人同行等睇戲，於是過來試試個牛肉他他，順便醫肚。除左牛肉他他，例牌點了幾客壽司，同埋螺肉等。每間日式料理既螺肉都無咩特別，不過井上既份量就真係無千之壽咁大份，因為我真係幾鍾意食，多多都食得落。壽司都係元朗特色大大件，魚生都算新鮮，不過壽司飯一夾就散，比較麻煩。最後來了主角牛肉他他，真係好好味，我之前從來未在任何地方吃過牛肉他他，無論味道同口感(我就係鍾意用呢個term)都真係好新奇，唔識形容，但最重要係好味，份量又多，吃到肚都脹，都只係$58，真係物有所值。下次經過真係要再來一客牛肉他他。