時光逆流 (已結業)

最先比我吸引係餐廳外牆上的每幅油畫，原來係邀請藝術家們一筆一筆畫上去，獨一無二！早上係一間帶比大家寧靜舒適的cafe，搖身一變，晚上係一間比大家放鬆心情的酒吧，呢間小店非同小可！用最上等的食材，以最天然的煮法，希望保留食物的原汁原味，係呢間餐廳的理念。今次試左頂級牛肉漢堡定食~太陽蛋一切，即達流心效果，牛肉味又香又濃!最鐘意麻醬撈鳥冬！估唔到仲有關東煮🍢所有配搭都好岩我心意。💕朋友試咗餃子定食，佢話每粒都好飽滿，而且係煎餃子，個邊好香脆~有8隻咁多添！配左啲酸菜，仲好食！餐飲方面叫咗最受歡迎嘅月亮與六便士，香濃咖啡倒入後，小奶球會慢慢溶化，此時就可以品嘗到多層次的變化，espresso的剛烈、朱古力的香甜、Earl grey 的風味、鮮奶咖啡的香醇等等⋯而另一杯就叫咗花落，係融合咗櫻花同荔枝嘅mocktail，荔枝嘅香甜味十分突出，亦有淡淡的櫻花香味散發而出。杯中沉底嘅粉紅色就好似櫻花散落係地面上，非常有意思。