影片
更多
2007-03-27
9 浏览
哈~ 早排同人講話想食壽司。今日我真係做到喇！(咁胃就得一個，一日得三餐正餐，樣樣都好食，似足後宮三千佳麗選牌仔都要諗一輪)係喎！尖咀喎！不如…搵廣喇！中午十二點幾去到，部長問我有冇訂枱呀！如夢初醒~ 係喎！訂枱呀可？唔記得咗呀！心諗: 會唔會鬧白領人患架！？咁事實係我無禮在先。對餐廳的尊重係要訂枱嘅！但我早上有個浮動appointment，超時係經常事，咁訂咗唔通得朋友一個食咩！？當初係朋友滿足我想食壽司在先嘛！最後部長好好呀！俾咗窗口位望到街景我呢！因為兩個人想面對面傾偈嘛！咪order 枱囉！朋友同我各自叫咗一個定食。( 兩個各包餐茶、茶碗蒸、水果、前菜)朋友嗰 set 有天婦羅、冷/熱烏冬、卷物兩件。我就叫咗個十六件自選壽司、麵豉湯、揚物。茶碗蒸很好，睇到水準。鮮味自然，唔會好似出面的一尾味精那種鮮的口渴。有白果、螺肉…死, 唔記得咗！喺食壽司地方叫天婦羅係搞笑咗 d…但朋友想陪我食但又唔食得魚生嘛！天婦羅梗係好啦！一定好過我上幾個食評嗰間黑店搞到我掉鐖落咸水海啦！呢度薄漿, 脆但唔油。三四件咁啦！烏冬朋友話冇特喇, 預咗！和花亭、赤丸水平~ 全個定食咁多樣盛惠$130我威啦！
係喎！尖咀喎！不如…搵廣喇！
中午十二點幾去到，部長問我有冇訂枱呀！如夢初醒~ 係喎！訂枱呀可？唔記得咗呀！心諗: 會唔會鬧白領人患架！？咁事實係我無禮在先。對餐廳的尊重係要訂枱嘅！但我早上有個浮動appointment，超時係經常事，咁訂咗唔通得朋友一個食咩！？當初係朋友滿足我想食壽司在先嘛！
最後部長好好呀！俾咗窗口位望到街景我呢！因為兩個人想面對面傾偈嘛！咪order 枱囉！
朋友同我各自叫咗一個定食。( 兩個各包餐茶、茶碗蒸、水果、前菜)
朋友嗰 set 有天婦羅、冷/熱烏冬、卷物兩件。我就叫咗個十六件自選壽司、麵豉湯、揚物。
茶碗蒸很好，睇到水準。鮮味自然，唔會好似出面的一尾味精那種鮮的口渴。有白果、螺肉…死, 唔記得咗！
喺食壽司地方叫天婦羅係搞笑咗 d…但朋友想陪我食但又唔食得魚生嘛！
天婦羅梗係好啦！一定好過我上幾個食評嗰間黑店搞到我掉鐖落咸水海啦！呢度薄漿, 脆但唔油。三四件咁啦！
烏冬朋友話冇特喇, 預咗！和花亭、赤丸水平~ 全個定食咁多樣盛惠$130
我威啦！一個5尺7 得108 磅咁上下的女仔一個人食十六件壽司等等上面提及過的竟然面不改容！原諒我冇食早餐啦！
當中十六件有海膽x2、帆立貝x2、玉子x1、池魚x1、深海池魚x1x、鯖魚x1、三文魚、x1赤貝x1、葱吞拿魚蓉x1、吞拿魚腩x2、其他魚名唔記得...好鬼難記呀！睇相啦！！(我嗰 set盛惠$250)
講深刻的…
海膽不嬲最愛。平日出面d 迴轉只係抽當中海膽少少嚟做食材，但呢度不但成pat，而鮮甜入口即溶喎！
帆立貝值得一提。同出面大大隻啖啖肉有d 唔同，呢度都大隻com 晒飯，但唔係龐然巨物到咁嚇人，都啖啖肉，冇出面板前嗰 d 咁厚身….但寫到呢度我想用一個女子嚟形容會易明d！靚有身材都要講靈魂，但食過的迴轉帆立貝係冇靈魂，但呢度係有架！( 嗱..唔好扯我落水。我有冇靈魂真係要由冇利益的人答至準。同食評一樣…)
鯖魚真係好鮮啦！深海池魚正架！玉子真係幾香架喎！我本身真係平時唔會食架…
當中飯俾我夾散有兩件。其實我自問揸筷好唔好架！俾某君話過教極都冇進步。飯俾我搞到咁係我問題都唔奇…
今日食坐我周圍枱枱都係日本客。
大約咁多啦！服務態度超讚，食得好開心！午巿覺得好抵囉！真係我飽到食buffet咁飽。值得我再去…
愛情我冇資格要，但食值得我死心蹋地呀！
张贴
