Library Restaurant and Bar

营业中

休息中

呢間充滿住神秘美既fusion 菜餐廳，係尖沙咀對正清真寺對面。 出面室外區對住呢個街景都好特別。 入到黎完全有另一個時空既感覺，真係好似入左佢製造既書既世界咁，而最特別係佢特製既雞尾酒，唔單止名改我特別，佢既配搭都好講究。我首先就簡左四大美人試下先，因為係美人所以佢唔會係好烈，甜甜地而且酒既果香好濃，非常啱女仔飲。 佢仲用細杯，裝住一大塊冰，比客人慢慢飲之餘仲唔怕咁易醉。佢既芝士肉醬闊條麵, 黎到好香巴馬臣芝士味，鮮蕃茄同免治牛肉煮既醬令賣相靚之餘令香味更馳久，而佢既闊麵都係自定製既，所以食落口感一流。 跟住唔少得既梗係甜品啦，試左佢個Tiramisu。 賣相好靚，層次分明，cream打得勁綿滑，而且咖啡酒香一絕，每一啖都回味無窮。 超完滿既一餐。