瑰花甜戀愛甜品屋 (已結業)

裝修後反而更抵食？貴花甜司令以前都介紹過，唔見一排，竟然有全新裝修，仲改左名做瑰花甜。望左一望佢地個menu，款式同以前既差不多，不過，竟然平過以前😦，唔係唔再試啊嘛？ 特濃朱古力心太軟($46)本身司令想食既係酒心心太軟，不過賣曬試唔到😭。唯有食返普通既心太軟啦，上枱熱辣辣，入面既流心唔係稀身既，所以切開之後以一個慢速既速度流出，差少少爆發力囉🤔。不過個流心的確好濃喎，配埋冰凍雪糕冇得輸。 士多啤梨🍓拿破倫 ($35)拿破倫上枱司令即刻影影影📸，因為實在太靚啦！拿破倫酥皮偏硬，所以司令食嘅時候都要分開一片片食，甜甜嘅cream配上酸酸嘅士多啤梨🍓絕對唔膩，而且咁嘅價錢司令真係好滿意！