甜藝家 (已結業)

今日行過K11呢層遍佈甜品同餅店既B1層，見到呢間Sweet Boutique de Tony Wong大大個牌介紹呢度既雜錦曲奇禮盒（$188），超吸睛啊，色彩繽紛，好多款式！臨走仲見到雜錦朱古力脆米波（$98），用個波波裝住，有三款脆米波，分別有牛奶朱古力紅桑莓、白朱古力柚子、黑朱古力伊予柑。到手後番屋企急不及待番屋企拆開試下。我較鍾意牛奶朱古力紅桑莓，味道帶酸甜好特別，而白朱古力柚子有柚子既甘甜又有咬口。禮盒真係同display一樣，都係咁靚！盒內有9款曲奇，分別有士多啤梨朱古力、棋盤、熱情果醬、朱古力蛋白、黑金芝麻、紅莓乾、海鹽朱古力、雲呢拿脆米、抹茶朱古力脆珠。其中海鹽朱古力曲奇同埋雲呢拿脆米曲奇上面更加有花瓣喺上面，靚到唔捨得食啦。禮盒包裝用幾耐用嘅膠紙封住，開完之後想封番黎保鮮都話咁易。