Wooloomooloo Prime

营业中

休息中

今日成班女人去嘆lung廚，因為有bb又多人，一早book定位。去到俾咗張近窗枱我哋，原本個view就冇得頂，可惜日上三竿，曬正個左邊面😎仲要熱到我諗有三十度🤒即刻問人可唔可以調位，但係個waitress話full晒，都冇辦法啦⋯⋯好彩食到一半終於🌞太陽伯伯返咗屋企🤠3 courses lunch非常好味，選擇多到唔識揀，甜品佢地仲推介strawberry tart，果然係正！服務都非常好，大部分職員都係外藉人士，反而有個香港男侍應就冇咁醒目。樣樣都好，真係差在個落地玻璃，夜晚去就梗係浪漫靚景啦，但中午係咪應該考慮裝返個簾遮下個太陽呢？冇搽防曬真係會曬燶㗎喎⋯⋯而且我book果陣已經講明有bb，細心的話其實就唔應該俾張咁曬嘅枱我啦⋯⋯朋友講開，都話其實香港好多餐廳都好唔baby friendly，我知香港人確實唔係太鍾意fine dining有細路仔喺度，但係都應該諗多少少方便不同嘅客人啦。