御滿屋日本料理

营业中

休息中

其實肥妹仔都幾享受食放題，因為放題係你點乜嘢款式都可以，而且個份量唔會太多，可以令你一次用餐就可以試曬唔同嘅美食。所以今晚肥妹仔同肥爸肥媽肥家姐一齊去咗旺角呢一間日式放題店食晚餐。我哋叫曬嘢食之後好肚餓，就自己出咗去冷盤嘅corner度揀嘢食 。佢嘅冷盤有好多，有沙律菜，螺肉，中華沙律，八爪魚等等，仲有好飲嘅 紅蘿蔔豬骨湯，肥妹仔飲咗兩碗，超級好飲。刺身方面肥妹仔同肥爸叫咗甜蝦，三文魚，北寄貝，榮螺肉，鮑片同玉子。啲刺身好新鮮，一啲都唔腥，而且都幾爽口，不錯。熟食方面我哋叫咗天婦羅蝦，火炙三文魚壽司， 炒蜆 。炸物就有炸芝士，炸芋泥丸，炸雞翼等等。佢嘅炸物做得好出色，香脆可口，粉漿唔會太厚， 好食。燒物方面我哋叫咗鹽燒蝦，燒雞軟骨，燒牛舌，燒鰻魚，焗沙律醬帶子，燒銀鱈魚，燒青魚。佢嘅燒物好好食，全部都熱辣辣，燒得恰到好處，唔會有過多嘅調味，一定要食。另外肥妹仔仲叫咗個蟹粥，牛肉烏冬，花膠， 估唔到呢啲地方都有花膠食， 好驚喜好意外。最後肥妹仔仲食咗好多甜品同雪糕，捧住個肚離開，真係非常滿足。