影片
更多
2017-10-11
236 浏览
一人晚餐之唔好亂試pho本人十分喜歡食越南pho，但香港好食0既都唔係好多間，但正常都唔會難食到食淨一半今次係i-square 附近行下，見到間新越南餐廳, 仲要新開張期間免加一，梗係要試一試佢。一入到去，已經想走，因為全店8成滿，但7成都唔係本地人。心已經向下沉了叫左碗生牛肉pho($66)，但個侍應係咁sell 一人套餐 ($78)。正常係可能會底D，但今日唔係好肚餓又唔想飲野，所以淨係一碗粉夠了。生牛肉pho黎喇，跟青檸同辣椒(2樣都已經擺到乾曬)。先飲啖湯，嘩!好肥膩o既雞湯 唔係喎，牛肉粉點會係雞湯味。再飲多啖先，嘩! 好香o既味精 湯底唔得，其他配料呢? 正常芽菜(好少)，生洋蔥(好多)，羅勒(?)，蔥碎都有，反而芫茜無(好彩無，唔使夾返出黎)，但係唔知點解會有蔥段呢? 食左幾條，真係好唔夾。生牛肉片份量唔錯，有5-6片，不過係肥牛質素，所以令到整碗粉膩上加膩。粉本身無問題，因為都係買返黎。為左唔好消費，我好想食埋依碗粉，但食到一半，我舉白旗了，打唔到大佬呀!
本人十分喜歡食越南pho，但香港好食0既都唔係好多間，但正常都唔會難食到食淨一半
今次係i-square 附近行下，見到間新越南餐廳, 仲要新開張期間免加一，梗係要試一試佢。一入到去，已經想走，因為全店8成滿，但7成都唔係本地人。心已經向下沉了
叫左碗生牛肉pho($66)，但個侍應係咁sell 一人套餐 ($78)。正常係可能會底D，但今日唔係好肚餓又唔想飲野，所以淨係一碗粉夠了。
生牛肉pho黎喇，跟青檸同辣椒(2樣都已經擺到乾曬)。先飲啖湯，嘩!好肥膩o既雞湯 唔係喎，牛肉粉點會係雞湯味。再飲多啖先，嘩! 好香o既味精
湯底唔得，其他配料呢? 正常芽菜(好少)，生洋蔥(好多)，羅勒(?)，蔥碎都有，反而芫茜無(好彩無，唔使夾返出黎)，但係唔知點解會有蔥段呢? 食左幾條，真係好唔夾。生牛肉片份量唔錯，有5-6片，不過係肥牛質素，所以令到整碗粉膩上加膩。粉本身無問題，因為都係買返黎。
為左唔好消費，我好想食埋依碗粉，但食到一半，我舉白旗了，打唔到大佬呀!
张贴
