點了鴛鴦鍋。個豬骨好濃郁睇得出應該都淆咗唔短嘅時間，飲落清甜好濃豬骨味，湯底一流！入面有兩大支豬骨，粟米好新鮮好甜，其他食物未熟就已經食晒所有粟米。
麻辣湯底小辣都幾已經好夠辣，越煮得來越辣越食又越過癮，中意食辣嘅真係唔好錯過。
美國安格斯優質肥牛牛味超濃郁，即使配麻辣湯都依然保留着濃濃既牛肉味。口感軟滑，正！
重慶炸酥肉炸酥肉原來係重慶名菜，之前從來未見過，當然要品嚐一下啦！外皮好脆入面包住啲豬肉，加埋啲胡椒一齊炸，幾香口。
冰豆腐打邊爐係必食的！麻辣湯底會完全吸進豆腐入面，刺激到出晒汗但你一定會上癮！
黑豚腩肉話晒都係黑毛豬嘅肉，咁就梗係好高質。肉味好濃，肉質嫩滑。
