影片
更多
2009-07-20
19 浏览
好耐都無嚟寫食評喇~~~ 食完呢間之後好想同大家分享吓......就嚟我出山的第一擊~~和同事約食飯，同事推介呢間，話好多人都話好’正’，上嚟望又真係好多人讚，於是就好期待，終於等到啦 ^o^星期五要$298，雖然起中環區，但對我嚟講呢個價錢都唔算平，所以實在有比較高既期待……埋位先嚟兩個刺身拼盤，一行五人，大家既雙眼都開始發光！！！帶子鮮甜；甜蝦超鮮，果種食落口既膠口感覺，現在仍難忘；赤貝充滿海水味既鮮；油金魚和劍魚腩雖然並唔係我平時鍾意食既刺身，但呢度我都食多幾件…….三文魚？我只食咗一塊，唔係唔好食，都很新鮮，但太普通喇… 而且平時出邊食都唔係好貴…… 哈哈~~ 可惜海膽無刺身，要食埋小手卷，我本身都唔「好」海膽，但我也覺得鮮味，一 d 都唔腥，同場其他朋友都讚不絕口。呢度既刺身，全部都很鮮味，唔似啱啱解完凍果d！另外一款今晚既主打就係鵝肝，鵝肝細細薄薄的，煎乾後放在一塊小小的多士上，勁好味，因為細細塊煎乾後好香口，唔會似平時太厚果 d 中間太’淋’果種，真係好好味，雖然佢有塊小多士感覺會食多咗 d 飽肚嘢，但有這塊多士，會無咁漏，我食咗大既七、八件，我有個同事我諗食超過十件……
和同事約食飯，同事推介呢間，話好多人都話好’正’，上嚟望又真係好多人讚，於是就好期待，終於等到啦 ^o^
星期五要$298，雖然起中環區，但對我嚟講呢個價錢都唔算平，所以實在有比較高既期待……
埋位先嚟兩個刺身拼盤，一行五人，大家既雙眼都開始發光！！！
帶子鮮甜；甜蝦超鮮，果種食落口既膠口感覺，現在仍難忘；赤貝充滿海水味既鮮；油金魚和劍魚腩雖然並唔係我平時鍾意食既刺身，但呢度我都食多幾件…….三文魚？我只食咗一塊，唔係唔好食，都很新鮮，但太普通喇… 而且平時出邊食都唔係好貴…… 哈哈~~ 可惜海膽無刺身，要食埋小手卷，我本身都唔「好」海膽，但我也覺得鮮味，一 d 都唔腥，同場其他朋友都讚不絕口。呢度既刺身，全部都很鮮味，唔似啱啱解完凍果d！
另外一款今晚既主打就係鵝肝，鵝肝細細薄薄的，煎乾後放在一塊小小的多士上，勁好味，因為細細塊煎乾後好香口，唔會似平時太厚果 d 中間太’淋’果種，真係好好味，雖然佢有塊小多士感覺會食多咗 d 飽肚嘢，但有這塊多士，會無咁漏，我食咗大既七、八件，我有個同事我諗食超過十件……回本啦….哈哈~~
另外每位仲可以揀一隻鮑魚或一隻生蠔，我哋五個人，只有我揀生蠔，同事們都話鮑魚好味，而我隻生蠔都唔錯呀！
其餘銀鱈魚、蝦、蠔天婦羅、烏冬、厚燒牛肉、軟穀蟹、同事試的味噌汁、和風沙律、就連金芋都是水準之上……
如果真係數無咁得既會係薄燒牛肉燒得太燶，有點苦味……燒大蝦，無味…… 其餘都無乜嘢彈……
最後甜品雪糕只得每人一球，試了紅豆 – 太重奶味和偏甜；芝麻 – 超香，濃郁芝麻味；豆腐 – 也是很重豆腐味，清清哋幾好味~~
仲有要很讚揚各待應都非常 nice，有問必答，又會講吓笑咁，讚讚讚！！
成晚我諗都聽到同事同自己謎晒眼講幾十次 “嘩……..好味呀！好鮮味呀！好甜呀！” yummy~~~
张贴
