平成 (已結業)

尖沙咀不嬲都有多野食，條條街都係食街，想搵好野食去棉登徑就最岩，居酒屋就最岩慢慢飲酒邊食下串燒，我地就叫左一杯清酒慢慢品嚐。久美蒲吟客大吟釀：黎到果時大吟釀霸氣登場，清酒倒左入個玻璃裝酒器皿入面，只要扭一扭個制就出到，夠哂方便，清酒已經雪過，入口冰涼又有好純正嘅米香味，香醇清爽，就算平時好少飲酒嘅人都可以一試，一個份量兩個人飲岩岩好。只係飲酒點都好似差咁啲，加埋串燒呢個最佳拍檔就夾到絕一絕燒日本豚皮+燒華味鳥雞皮：串燒即叫即燒，食之前加少少檸檬汁，食落先有檸檬嘅清香味再有豐富油香味，甘香濃郁，燒雞皮食落唔會油膩，而燒日本豚皮滲出油香，甘香豐腴，串燒燒得岩岩好，仲可以KEEP住足夠油份，非常香口，送清酒一流。串燒都咁好味，我地之後仲叫左兩款主食試係咪一樣咁高水準先~三文魚籽胡麻冷麵：上面加左好多紫菜碎同三文魚籽，食之前先撈起，咁就可以每條冷麵都掛住紫菜同胡麻醬，胡麻醬係萬用醬汁，配咩都好夾，冷麵食落味道好足夠，好開胃。海量蔥黑松露牛肉稻庭烏冬：真係有海量蔥碎，中間仲有一大舊黑松露，非常名貴，食之前將黑松露搞開，成碗稻庭烏冬都充斥住好香濃嘅黑松露味，一夾起烏冬同牛肉都會掛住好多蔥花同黑松露