哩間雞煲有埋海鮮同刺身食，到底係我太耐冇食雞煲，潮流已經轉左，定係佢真係好有新意呢？刺身就冇食到喇，因為我地都係想食熱同埋熟嘅野。
爺爺雞煲，我地簡左微辣，不過對我地黎講都幾辣。裏面啲雞肉都幾入味。
豚肉，用黎打邊爐真係好正，而且本身冇調味，繼續打邊爐唔會搞到湯底好咸。
四寶丸，一般黎講四寶丸入面總有一兩款係我唔中意食或唔夠好食的，但哩個四寶丸質素好平均。牛丸同鯪魚球都好彈牙，蝦丸同墨魚丸都好新鮮，不過墨魚丸可以更彈牙。
另外仲食左哩到自家製的響鈴，好重豆味，同係出面買個啲真係幾有分別。雖然比較幼身，但好值得食。
2
1
1
