等等HEA

营业中

休息中

冬天最啱就系食羊腩煲，食完暖笠笠，近排去咗一间性价比超高嘅小店，有齐秘制古早羊腩煲、台式香辣鸡煲、台南南乳猪手煲放题($399买1送1)，追踪等等Hea同埋大闸蟹教主，上传食物内文仲可以无限添饮台式饮品及啤酒汽水。秘制古早羊腩煲用咗英国威尔斯、纽西兰草饲羊腩，肉质鲜嫩，带适量既脂肪，油脂令汤汁更加浓郁，慢火炖煮后肉质渐渐变得柔软，入口烟韧弹牙，而且非常入味，配搭台湾江记腐乳，有微微酒香味。食完羊腩煲再打边炉，可无限追加：美国肥牛、台式芋头条、一口麻辣鸭血、白萝卜、莴笋、澎湖花枝丸、爆汁贡丸、秘制冰豆腐、西洋菜、唐生菜、娃娃茶、新鲜枝竹、台式水饺。台式香辣鸡煲用咗新鲜三黄鸡，肉质鲜嫩，鸡肉香气四溢，再加上秘制麻辣酱料、指天椒，口感刺激又过瘾。台南南乳猪手煲猪手皮肉比例恰到好处，胶质丰富，口感Q弹有劲，用上台湾本土生产嘅南乳，南乳嘅微甜与猪手嘅咸香结合，非常完美嘅配搭。食完吾够饱可以叫埋台湾小食：阿宗面线 （配阿宗辣椒酱) 、士林盐酥鸡、万华街小碗蚵仔卤肉饭、台式仙草手工芋圆 。