知漁滋味 (裝修中)

天氣凍，食烤魚就最好不過了。有三種魚可以選擇的：鱸魚，江團魚、桂花魚，酸菜味烤魚個湯底唔會太辣，適合食唔到十分辣嘅我，辣度可以揀大、中、小辣，我地今次揀左小辣去試。條魚好大條，外面金黃色，好香脆，魚肉又唔會好乾，鍋烤魚入面仲有啲萵筍、芽菜、蓮藕等配料。我仲叫左個時令蔬菜盒，蔬菜盒入面每種蔬菜都有少少，有冬菇、番茄、娃娃菜、生菜、油麥菜，食完啲魚可以食下蔬菜平衡返👍🏻 食烤魚，薯粉係必試的，放落個湯度煮，好快就變左透明+食得了，薯粉索晒啲湯嘅精華，煙煙韌韌，口感非常好，簡直係一流呀😋👍🏻👍🏻總括嚟講，味道好好，份量足夠兩個人食，食到捧住個肚走！