華鳥居 (已結業)

☃️天氣終於愈來愈凍啦，係打邊壚或者食下啲鍋物既時候，打邊壚就成日都食，今日經過青衣城見到有間好似新開餐廳-華鳥居，寫住有個水炊鍋🍲，好似好特別，就梗係要試下裝潢係日式風格，坐位又好舒適，第一感覺已經好好我同朋友叫一個水炊鍋連野菜盆最特別全部用華味鳥雞，分別有華味鳥雞肉、雞肉丸、仲有雞肝添職員會幫我地落啲哂雞肉，之後仲提我地可以湯滾之後試下個雞湯，真係好鮮甜，再試下件雞，好滑同埋好多肉汁，不過最靈魂就係個醬汁，係酸酸地既醋味，同雞肉超夾，帶起哂鮮味，雞肉丸同雞肝都無失望，好好味食哂啲雞件之後就再落野菜，野菜盆分量都好多，要分幾次落，野菜吸哂雞湯，所以好鮮味，我同朋友都好鍾意個醬汁，仲連菜都沾埋啲醋食添怕唔夠仲叫咗個安格斯西冷牛排鍋飯，用鍋上熱辣辣，西冷牛排仲配埋有炸蒜粒，又係超級香另外小食鐵板牛油帶子同串燒🍢牛油帶子用鐵板上再香口啲，我係牛油怪，如果多啲牛油會更加好🧈🧈串燒-雞肉串、雞皮串、豚肉蘋果卷🍎🥓雞肉串有炭燒既香味，雞皮串又燒到好香脆，不過最驚喜係豚肉蘋果卷，出奇地夾，原來蘋果燒過會又爽又甜，連埋豚肉片一齊食，好特別飲品方面，日式餐廳就梗係要叫富士山可樂啦，唔使多講就梗係好飲🇯🇵