8鍋臭臭鍋 (金巴利道) (已結業)

晏就三點幾，突然邊爐癮起，近近地就去左呢度食午餐。我好鐘意食一人一鍋，因為唔洗同人Share，可以選擇自己鐘意既湯底，而且一個人食都唔會尷尬🤣之前黎過兩三次，晚飯時間呢間店鋪通常都大排長龍，同午市形成好大對比～入座既時侯只有兩枱客，相當清靜🤭-每次黎都係食同一個鍋，就係芝士牛奶鍋！鍋物份量都幾大，可以配粉絲或白飯。配料豐富，例如有豬肉，嗚門卷，娃娃菜，蟹柳，冬菇，烏冬，丸類等等，當中仲有香港好少見既蛋餃添。但同台灣相比，呢度既蛋餃真係非常一般，仲好易散。餐牌上有推介混醬既完美比例，但我覺得本身個湯已經好夠味，唔需要額外點其他醬汁。成個餐我最鐘意就係個湯底，湯底呈乳白色，聞落去有濃郁既奶香，加左隻蛋，口感層次更豐富。呢個湯底係無拉絲效果，奶香重過芝士味道，唔算好重口味，呢一點我係非常欣賞！因為平時食親芝士乜乜乜都好膩，食兩啖就飽飽滯滯，呢個湯底就冇咁既問題😍而配料方面，味道其實冇咩特別。豬肉一上枱已經煮左好耐咁，非常鞋口，呢點扣左分。同埋個爐大概用二十分鐘多啲就自己熄火，我都未食完🤦🏻‍♀️不過同店員講返，佢地都會幫你點返個爐既～而且加多幾蚊就有多飲品，加埋$100都唔洗，打邊爐黎講，價錢