良辰吉時 (已結業)

一直都好想試由台灣綜藝節目主持納豆開設的台式飲品專門店，今日早放工又好好彩無咩人排隊（平時多人到見到都唔想排🙈)，所以就趁呢個大好機會試下佢個[啵爆黑糖厚鮮奶]

其實呢間除咗黑糖珍珠厚鮮奶出名，仲特別主打自選4色珍珠，包括白玉原味、抹茶、火龍果同芝麻，話全部都自家制同無人工色素。下次要試試佢
講番個[啵爆黑糖厚鮮奶 $36]先

啵爆黑糖厚鮮奶

$36

個質地都算濃厚，帶微微焦糖香喺厚鮮奶上面。
黑糖珍珠係新鮮整暖笠笠咁，尚算煙韌但偏林。
不過整體既味道稍為甜咗小小，可能因為黑糖同厚鮮奶既比例未係最好。$36既呢杯飲品性價比不過不失啦