尚鮮海鮮料理

营业中

休息中

依幾日天氣咁凍，又無得夜晚堂食。 兩個人食買料打邊爐都煩，每樣買少少咁，收工又已經夜，唯有外賣邊爐返屋企暖笠笠嘆下。呢間尚鮮平時都好難book位，咁外賣試下都好。佢包裝得好好，比我個陣個湯仲係暖。呢個係海鮮二人餐，有蠔、蝦、貝、魚、帶子、手打墨魚丸同蝦丸，肉類都有肥牛同豬肉、豬肝、雲吞，咩種類都有d。鍾意佢個湯底，係平時老火湯味道，有埋湯渣tim。成份有咁多野，兩個人食都好夠。D醬料咁樣pack好哂又幾好。