海南少爺 (已結業)

平時真係好少去海港城食嘢，因為每次去海港城都好似去咗迷宮咁，太大完全唔識行，好彩今次有朋友帶路我先識行，原來海港城地下層都好多嘢食，今次我哋揀咗間主攻星馬菜嘅餐廳。 呢間餐廳個view好正㗎，可以望到成個維景🌃，不過可惜窗口位已經full晒。 其實我好鍾意食肉骨茶🤩，但老公唔太鍾意，所以成日都無機會食，今次同朋友嚟一定要嗌啦，仲要大家都係肉骨茶愛好者。個肉骨茶用爐火興住，食住暖笠笠🫕。藥材味同胡椒味都好濃，夠晒滋補。除咗有響鈴、豆卜、油條、炸魚皮、炸支竹，另外可以揀兩種配料，我同朋友一人點一樣，我要三吋排骨，佢就揀咗豬腩肉，排骨好稔好入味，豬腩肉唔算太肥。 隨肉骨茶加$228就有個迷你滷水拼盤，雖然叫迷你，但份量都幾多，有豬手、雞腳、鴨蛋、豆腐同花生。 朋友介紹我食蝦麵🦐🍜，新加坡人其中最愛嘅美食之一。個湯底都幾甜，但蝦味就未算好濃。 雞肉沙嗲串燒得幾香，沙嗲醬有香濃花生味，點串燒食一流。