聚滿坊粥底火鍋私房菜

聖誕假嗰幾日天寒地凍，冇理由唔同一班朋友圍吓爐🥶 今次就去咗一間小店食海鮮粥底火鍋，套餐包咗好多款生猛海鮮，最後再加埋暖笠笠、吸盡海鮮精華嘅粥，可以滿足多個願望，價錢亦十分超值，最平$218就可以嘆到多款海鮮🤩！

🍲餐廳貼心地提供「#美味秘訣」，提醒客人煮熟每種海鮮嘅時間。目測啲海鮮都係好新鮮，尤其一開始上場嘅 #動感鮑魚 真係識郁😱 夠晒動感！

1

動感鮑魚

🦞隔離枱嘅朋友叫咗龍蝦餐，啲龍蝦係即場由魚缸撈上嚟；其他海鮮都好新鮮，包括蟶子、蠔、蝦蟹等。

🐟🦑至於其他嘢方面，我非常欣賞好香好脆嘅即炸魚皮🤤 仲有墨魚滑都係好正，食得出係手打嘅味道😋

炸魚皮

🥘壓軸出場嘅 #雞粥 係重頭戲（食唔切啲雞，所以變雞粥🤭）😻！由於吸盡各種海鮮嘅精華，再加埋老闆落咗啲胡椒調味，真係冇得輸🥹 食到好飽都要encore多一碗😹

粥

總括嚟講，可以食到唔同種類嘅海鮮，而且個價錢仲平過好多間火鍋，我覺得係值得再嚟嘅😉