影片
更多
2023-06-13
1086 浏览
作為《銀杏館》嘅忠實fans，最近留意到佢哋開設咗香港人至愛嘅日式料理餐廳，趁住週末過海去會展睇展覽嘅空檔，剛剛碰上佢哋試業中，咁就當然要趁趁熱鬧啦！由於剛開業嘅關係，佢哋午市暫時只提供午市套餐menu，依間舖採用咗時下流行嘅QR code落單，只要一scan枱面上嘅label就可以自助落單，非常方便。一如既往，店面嘅侍應依然係由老友記擔任嘅~ 我同朋友仔一人揀咗一個拉麵套餐，佢哋隨餐仲附有前菜同埋綠茶，以依個價錢喺灣仔嚟講都算抵玩！車海老濃蝦湯拉麵 $88 ⭐️⭐️⭐️⭐️赤味噌湯底夠濃郁夠入味而且坊間蝦湯拉麵比較少見，口味不會過鹹食完唔會口渴實屬難得，應該是加咗牛乳所以口感更順滑，蝦嘅鮮味十足而且非常彈牙，筍乾入味有咬口，配料分量都適中。麵質亦都非常爽口彈牙，美中不足係暫時未有得揀軟硬度，幸好麵嘅軟硬度尚算適中。五花豚肉叉燒白湯拉麵 $78 ⭐️⭐️⭐️朋友仔嗌咗拉麵店常見嘅叉燒豚骨湯拉麵，往往最簡單最平凡豚骨湯最能考驗一間拉麵店嘅功架，偷偷嚐一口朋友的湯底，以一間新開的拉麵店嚟講，算係合格之上。豚骨湯味清油潤，估計係自家煲製，如果湯的溫度能更高的話就更加好。最驚喜嘅係，佢哋喺新開張試業期間，每
由於剛開業嘅關係，佢哋午市暫時只提供午市套餐menu，依間舖採用咗時下流行嘅QR code落單，只要一scan枱面上嘅label就可以自助落單，非常方便。一如既往，店面嘅侍應依然係由老友記擔任嘅~ 我同朋友仔一人揀咗一個拉麵套餐，佢哋隨餐仲附有前菜同埋綠茶，以依個價錢喺灣仔嚟講都算抵玩！
車海老濃蝦湯拉麵 $88 ⭐️⭐️⭐️⭐️
車海老濃蝦湯拉麵
$88
76 浏览
0 赞好
0 留言
赤味噌湯底夠濃郁夠入味而且坊間蝦湯拉麵比較少見，口味不會過鹹食完唔會口渴實屬難得，應該是加咗牛乳所以口感更順滑，蝦嘅鮮味十足而且非常彈牙，筍乾入味有咬口，配料分量都適中。麵質亦都非常爽口彈牙，美中不足係暫時未有得揀軟硬度，幸好麵嘅軟硬度尚算適中。
五花豚肉叉燒白湯拉麵 $78 ⭐️⭐️⭐️
五花豚肉叉燒白湯拉麵
$78
54 浏览
0 赞好
0 留言
朋友仔嗌咗拉麵店常見嘅叉燒豚骨湯拉麵，往往最簡單最平凡豚骨湯最能考驗一間拉麵店嘅功架，偷偷嚐一口朋友的湯底，以一間新開的拉麵店嚟講，算係合格之上。豚骨湯味清油潤，估計係自家煲製，如果湯的溫度能更高的話就更加好。
最驚喜嘅係，佢哋喺新開張試業期間，每碗拉麵更附有溏心蛋，蛋黃熟度剛剛好，非常軟糯入味~
現場環境較一般拉麵店明亮光猛，更設有少見嘅卡位，坐得非常舒適，作為初初開業嘅拉麵店嚟講算是不錯，期待佢哋嚟緊會出更多唔同嘅食品~
张贴
