晴の居酒屋 (裝修中)

餐廳喺佐敦文英樓，年近歲晚嘅老舊住宅區有點冷清，但餐廳裝潢有家庭式居酒屋嘅溫暖，令人感覺舒心。【二人前 晴の御宴】$588 一個便當盒有齊所有食物，兩把日本賀年小扇、紫蘇花等裝飾，華麗得嚟又精緻。【牛蒡漬】酸爽嘅開胃前菜。【雜錦魚生丼飯】成碗鋪滿晒魚生，有三文魚、吞拿魚、吞拿魚腩蓉、油甘魚、三文魚籽，魚生厚切、新鮮。【燒虎蝦】大大隻虎蝦，燒出嚟好香，蝦身鮮爽配合香烤味道，又香又甜。【牛蒡漬】酸爽嘅開胃前菜。【鮪魚腩蓉反卷】魚腩蓉油脂豐富，有芝麻、香蔥提味。【雞皮餃子】用雞皮包嘅餃子，認真特別。【炸雞件】外皮炸到好鬆脆，雞肉嫩滑juicy。【黑豚肉蘆筍卷】豚肉脂肪比例適中，入口滿口油香肉香，蘆筍清甜，食落同豚肉又幾夾，仲可以減底膩感添。可惜好迷你。【日本紅豆蕨餅】日本傳統甜品，口感煙韌嘅外皮裡面滿載紅豆，食落滿滿幸福感。