河內越南餐廳 (已結業)

今日晏晝喺佐敦搵食， 突然興起想食越南野。見到呢間有位就去試下， 畢竟lunch time時間寶貴🤣我叫咗一個雞翼撈檬，$48+2, 原本想飲凍嘢，但係見到餐牌寫住凍飲加六蚊🤨即刻叫返熱檸茶就算。。 杯熱檸茶都幾香，茶味都幾特別，冇苦澀味，難得。雞翼撈檬份量幾大，不過喺檬粉勁多， 雞翼只有三隻雞翼,炸得都ok幾香脆，肉質都幾入味但係就硬咗少少。 但嘅汁就麻麻，只係醋嘅酸味。 檬粉質感唔錯，都幾彈牙， 但配菜唔夠，主要只有生菜，冇乜口感。總括嚟講只係一間普通嘅越南粉。$50 包野飲都尚算可以接受。