韓吧料理 (已結業)

牛肉拌飯 $68Oppa爆趣小學雞 $88實在太想食韓國餸，但係屯門又要平價嘅韓菜真係冇乜，呢間oppa餐廳可以話係獨佔市場雖然餐廳都幾偏僻，但都出奇地多人，令到我對佢多左啲期待，不過唔知係咪餐廳出面係啲小巷，通渠之類，餐廳入面有多隻烏蠅，影響食欲講番野食，首先嗌左個牛肉拌飯，配料份量都算多，除左牛肉之外，仲有紅蘿蔔、黃瓜、蘑菇、蛋，加埋韓國辣醬撈。拌飯其實都好難出錯，味道正常唔特別，係一般韓國餐廳都食到嘅味道.另外同友人一齊嗌左個oppa爆趣小學雞，雞炸得有少乾，特別係雞胸。最差係個醬汁，味道好似將McDonald’s嘅番茄醬加辣醬mix埋咁，奇怪等得黎都唔好食，有大失望，我諗食McDonald’s嘅雞翼會更開心 總括黎講，唔會再黎，寧願比多啲錢去食貴啲韓國餐廳，再唔係退而求其次，食McDonald’s 或者kfc都會更好。