愛吃家常便飯 (已結業)

有朋友來電，咗電視介紹話灣仔有地方Ｄ炸子鷄皮好脆，想試吓！ 就話OK訂位，並訂虾禾米炸子鷄同豬肺炖湯。 夜晚去到，訂咗位都等咗十幾分鐘，可能電視效應；真係坐無虛席〈我地都係〉 坐低後，想叫佢地上咗先訂嘅湯同鷄先，點知就話個炖豬肺湯唔夠身，叫我同朋友點過其他餸菜，但第二位人兄又送咗煲湯出嚟！咁係咪玩先，之後話係第二枱嘅，果時真有Ｄ起火，算拉，叫第二樣嘢食，點酥炸生蚝又沽清，蜆同魚都無，最後叫咗個胡椒蝦煲。 好快個蝦煲上枱~好香，個胡椒蝦整得好干身，仲同石頭煱上~夠熱，粒粒胡椒，同干冲加上係用中蝦仔，食落Ｄ蝦肉好爽，一讚！ 到個主菜~蝦禾米炸子鷄出場，原隻鷄比你，之後再有人同剪刀幫忙剪開上枱，見都想食，食落去Ｄ皮真係好脆，肉亦都夠味又滑~正！蝦禾米炒得好干身，配落雞度好好！再讚就係碟度有個蒸格响度，鷄身有血水都唔會留响Ｄ鷄同飯度！好有心思。食完好飽，仲有碗~馬蹄露，唔太甜，整得幾好，應該用馬蹄粉開。两個人埋單275蚊，無茶位無加一！