Han Spoon (已結業)

突然想食韓國野，就去左尖沙咀韓國街睇下，男朋友想食炸雞，就入左間炸雞賣相okay既餐廳。牆上有唔同菜式係唔同日子有discount, 今日星期三就係部隊鍋有八折。我地仲以為今日星期四係炸雞有discount😂😂😂。既然部隊鍋有折，就叫啦！有個阿朱媽幫我地落單，問我地食唔食雞，咁就叫多個「一半一半炸雞」啦！首先黎到既係前菜～薯仔出奇地好食！部隊鍋黎啦～料都算多，賣相都唔錯，但我覺得個湯冇韓國真正部隊鍋既精髓— 唔辣唔濃，結果我地自己加多啲韓國辣椒醬😂😂😂😂之後係炸雞，唔係純炸雞，有薯條同埋薯格，再有三隻醬— 茄汁，芥末同埋泰式辣醬。有純炸雞同埋韓國醬炸雞。炸粉唔算厚，但肉唔算多，如果專係想食炸雞可能會唔夠喉😂😂😂服務好好，但菜式真係比較普通，唔知點解都好多人排隊 哈哈