越一越南牛肉粉專門店 (已結業)

樓下開左間新越式餐廳，晚晚都排長龍，以為好好食，今日終於得閒來排隊...一個人都要等位，我諗等10-15分鐘係正常。侍應算有禮貌，收碟會問「收唔收得」，唔似有啲餐廳，問都唔問就收走佢，唔尊重客人。叫左「豬頸肉撈檬」，老老實實，除左用碟裝而唔係碗裝比較特別，味道普普通通唔會覺得驚喜。啲豬頸肉仲有花生醬味，唔似炭燒，都算係特別吧。青瓜絲有啲硬同粗，不太易入口。唯豬頸肉比較嫩，不塞牙，滿意。菜品定價唔算低，一個飯$48，小食卅零四十幾，湯粉都$46，同港島差唔多，但喺呢個做多街坊生意的鋪位，不是很友好。不過不失一餐，唔值得我排咁耐。如果你得閒去排隊都可以一試。可能其他菜品唔錯。