越棧越式湯粉專門店 (荷里活廣場) (已結業)

好耐冇幫襯過越棧，發現下午茶餐都加咗價，我印象中越棧嘅下午茶餐都幾抵食，所以都入去餐廳坐低叫野食。香茅豬扒撈檬$40- 本身想要豬頸肉，點知廚房賣晒，結果叫香茅豬扒撈檬。食物品質差咗好多，認真麻麻地。香茅豬扒份量唔差，但啲豬扒應該炸定好耐，上枱嘅時候凍冰冰、硬梆梆，一啲都唔香脆。小小香茅嘅味道都食唔到，淨係得鹹味。檬粉配料份量好細，得一塊番茄同一塊青瓜，仲有少少香料碎，唔值$40嘅價錢。生牛肉湯河$40- 生牛肉得幾細片，將貨就價，令我哋對越棧嘅印象大減，下午茶餐來講真係太普通，應該唔會再嚟食。