煌府1號

营业中

休息中

今日老公要去megabox洗車，本來諗住快快手食個早餐，之後就可以拎架車走，點知洗車公司話要留低架車成三個鐘，於是我地唯有搵間酒樓坐低，叫左啲點心慢慢歎。蜜汁叉燒腸 - 腸粉皮比較厚，食落一啲都唔滑，入面叉燒亦好細塊。黑椒金錢肚 - 份量勁少，只得四件。味道一般，而且唔夠熱。爵士千層糕 - 上枱已經即刻食，但都只係暖，同樣唔夠熱。但係味道算唔錯，唔會太甜。甘筍流沙包 - 奶黃包味道唔錯，可惜無流沙，所以唔係叫流沙包。米網生煎鍋貼 - 個名好特別，所以叫左黎試，但原來只係一般鍋貼，只係多塊米網放係上面。食物十分普通，有待改進。