秀韓國餐館 (已結業)

鍾意食韓國菜，呢間未食過黎試下。夜晚7點幾黎到，好彩唔洗等位，不過因為裏面好細，所以兩個人只可以坐埋卡位一邊。點左炸醬麵，年糕湯雲吞，牛仔骨同埋炸年糕。泡菜 -- 有5款，其實呢度嘅泡菜都算唔錯，辣得黎甜，甜得黎香。最鍾意醃青瓜。炸醬麵 -- 麵有彈性，醬汁太稀不夠濃，嗰4粒雪藏豆唔知想點。年糕湯雲吞 -- 味精之作，冇咩好講。牛仔骨 -- 醃得算ok，很簡單的家常菜式，我整可能仲好過佢。炸年糕，其實只要炸得香口，配埋呢隻炒年糕醬汁就已經可以好食。呢到係做到呢一點。